Bu fikirlər "Daily Mail” saytında dərc olunan məqalədəndir.

Müəllif yazır ki, Rusiya prezidentinin Kiyevə qarşı başlatdığı müharibədə istifadə etmək üçün Sibir zibilxanasından 1570-ə yaxın paslanan hərbi maşın ( Əsasən tanklar-red. )çıxarılaraq yenidən bərpa edilib.

Ukraynaya göndərilməsi müzakirə edilən "Leopard 2" tankları: Üstünlükləri nədir?

"Google Earth peyk görüntülərinə əsasən müharibədən əvvəl Vaqjanovski hərbi-texnika anbarında 3840 tank və döyüş maşını olub ki, onların da 40 faizindən çoxu hazırda anbarda deyil. Müharibə başlayandan səkkiz ay sonra, 2022-ci ilin noyabrında bazada 2600-ə yaxın zirehli texnika qalmışdı. Köhnə tanklar arasında 1975-ci ildən əvvəl istehsal olunmuş T-62-lər də var", - nəşr yazıb.

Buryatiya Respublikasında olan bu nəhəng hərbi texnika zibilxanası beş kvadrat mil sahəyə malikdir. O, Rusiyanın ən böyük hərbi maşın meydançası sayılır.

Məqalədə o da qeyd edilib ki, "Sovet dövründən qalma maşınlardan istifadə Putinin çarəsizliyindən, eləcə də müharibədən öncə mövcud resursların hərbi ehtiyacları ödəyəcəyinin səhv hesablamasından xəbər verir".

Bundan başqa nəşr oxuculara maraqlı videokadrlar da təqdim edib. Görüntülərdə Vaqjanovadakı kimi anbarlarda qalıb çürümüş və köhnəlmiş tankların hərbi qatarla döyüş bölgəsinə necə daşındığı əks olunub.

Tural Tağıyev
AzVision.az

Qalereya