Qeyd olunur ki, Gürcüstanın Xalq Müdafiəçisi (Ombudsman) tərəfindən dəvət olunmuş bir qrup mütəxəssis Saakaşvilinin yerləşdiyi “Vivamed” klinikasının təqdim etdiyi sənədlərə baxıb və siyasətçinin səhhəti ilə bağlı qiymətləndirmə aparıb.

Gürcüstanın eks-prezidentinə qanda leykositlərin azalması diaqnozu qoyulub. Ehtimal ki, onun sümük iliyində problemlər yaranıb.

Mütəxəssislər xəstənin müalicə prosesindən şikayətlərinin olmadığını qeyd ediblər. Gürcüstanın Ombudsman Aparatı əmin edib ki, eks-prezidentin müalicəsi davam etdiriləcək.

Xatırladaq ki, Saakaşvili ona qarşı bir sıra cinayət işlərinin açılmasına baxmayaraq, 2021-ci ildə Gürcüstana qayıdıb. Ölkənin eks-prezidenti saxlanılaraq həbs edilib.

Saakaşvili özünü siyasi məhbus adlandırıb və aclıq aksiyasına başlayıb. Sonradan səhhəti ciddi şəkildə pisləşib, 2022-ci ilin mayında xəstəxanaya yerləşdirilib. Həkimlər onun vəziyyətini ağır qiymətləndiriblər.

Şahanə Rəhimli

AzVision.az