AzVision.az xəbər verir ki, bu barədə Fars agentliyi İranın xarici işlər naziri Hüseyn Əmir Abdullahiyana istinadən məlumat yayıb. Nazir mövzu ilə bağlı Pretoriyada keçirilən İran və Cənubi Afrika Respublikası iqtisadi əməkdaşlığı üzrə Birgə Komissiyanın 15-ci iclası zamanı danışıb.

"CAR xarici işlər naziri ilə danışıqlar zamanı biz Ukraynadakı münaqişə ilə bağlı mövqeyimizi bildirdik. Heç bir tərəfi dəstəkləmədik və dəstəkləmirik. Biz bunu etmirik. Tərəflər siyasi həll yolu tapmağa çalışmalıdır”, - Farsagentliyi iranlı nazirin sözlərindən sitat gətirib.

Qeyd edək ki, Qərb ölkələri İranı Rusiyaya pilotsuz təyyarələr verməkdə ittiham edirlər. Moskva və Tehran isə dəfələrlə bu cür ittihamları rədd edib. İranın xarici işlər naziri Hüseyn Əmir Abdollahian qeyd edib ki, ölkəsi Rusiyanı PUA-larla təmin edib. Lakin bu, Ukraynada müharibənin başlamasına bir neçə ay qalmış baş verib.

Tural Tağıyev
AzVision.az