AzVision.az xəbər verir ki, İran Xarici İşlər nazirinin siyasi müavini Əli Baqiri Kani öz Tvitter hesabında İranın ələ keçirilmiş bir neçə milyard dollarlıq əmlakının azadlığa buraxılması ilə bağlı öhdəliklərə əməl etməsi üçün ABŞ-dan lazımi zəmanət alındığını bildirib. Amerikada saxlanılan bir neçə iranlının azad olunması da bu öhdəlik çərçivəsnə daxildir.

Onun bu sözləri İranın Xarici İşlər nazirliyinin rəsmi bəyanatında da öz əksini tapıb.

“Xarici bankların ABŞ sanksiyaları ilə bağlı narahatlığı bəhanəsi altında bloklanmış və ya istifadəsi çətinləşdirilən İranın maliyyə resurslarına qoyulan məhdudiyyətlərin aradan qaldırılması həmişə Xarici İşlər nazirliyinin gündəmində olub. Müsadirəni aradan qaldırmaq üçün resurs və maliyyə aktivlərindən necə istifadə etmək İran İslam respublikasının ixtiyarındadır və bu resurslar səlahiyyətli orqanlar tərəfindən müəyyənləşdirildiyi kimi ölkənin müxtəlif ehtiyacları üçün xərclənəcək”, - bəyanatda deyilir.
AzVision.az