İranlı deputat Rəisinin proqramlarını ev tapşırıqları

İranlı deputat Rəisinin proqramlarını ev tapşırıqları ilə müqayisə etdi

17:05 11 Avqust 2023 Oxunub:1059

İran prezidentinin apardığı siyasət ölkənin bir sıra rəsmi şəxsləri və parlamnet üzvləri tərəfindən bir çox hallarda ciddi tənqidlə üzləşir.

AzVision.az xəbər verir ki, İranın hazırkı hökumətinin başçısı İbrahim Rəisinin planlarını “gecə təlimləri” kimi qiymətləndirən İslam Şurasının Təbriz təmsilçisi Əhməd Əlirzabeyqi prezidentin planlarını sərt şəkildə tənqid edib.

“Dövlət adamlarının çıxışları yazılı proqramla müşayiət edilmədikdə və ya konkret maliyyə dəstəyi, maliyyə imkanları olmayanda bu, yazılmalı ev tapşırığı kimidir. Hökumətin marginallaşma və köç stimullarının aradan qaldırılması üçün tərtib etdiyi proqramlar ictimai zərərlərin intensivləşməsi ilə nəticələnib. Hökumətin fəaliyyəti nəticəsində xalq inamsızlaşıb. Bu inamsızlığın nəticəsidir ki, hökumət istiliyə görə iki günlük ofisləri bağlayanda heç kim bu bağlanmanın yalnız insanların vəziyyətinə, həyat və sağlamlığına hörmətdən irəli gəldiyinə inanmırdı”, - Əlirzabeyqi deyib.

Deputat bu inamsızlığın səbəbini İbrahim Rəisi hökumətinin təqdim etdiyi proqram və qaldırdığı şüarlarla mövcud “narazılıqları” aradan qaldıra bilmədiyi ilə izah edib.

İranlı iqtisadçı-ekspert Albert Boğzyan da İbrahim Rəisinin iki illik prezidentliyinin nəticəsini “yoxsulluq” adlandırıb. Ekspert İbrahim Rəisinin prezidentliyi dövründə “sanksiyaların ağırlaşmadığı, neft gəlirləri azalmadıöı və məzənnənin dəyişmədiyi” fonda ölkədə qiymətlərin yenə də artdığını vurğulayıb. Boğzyan “nəzarətin zəif olduğu” vəziyyətdə elitanın inflyasiyadan faydalandığını, digər insanların isə əziyyət çəkdiyini bildirib.

Qey edək ki, İranın universitet təhsili olmayan 13-cü prezidenti İbrahim Rəisi, yalnız dini-fiqhi tələbələr yetişdirən olan dini hövzələrdə təhsil alıb.
AzVision.az

Teqlər: Əlirzabeygi Rəisi