Gələn həftə Bakıda İƏT-in Əmək Mərkəzi fəaliyyətə başlayacaq

   Gələn həftə Bakıda İƏT-in Əmək Mərkəzi fəaliyyətə başlayacaq
  16 Noyabr 2023    Oxunub:904
Prezident İlham Əliyev tərəfindən Mərkəzi Qərargahı Bakıda olmaqla İƏT-in Əmək Mərkəzinin yaradılması təşəbbüsü İslam Əməkdaşlıq Təşkilatına üzv ölkələr tərəfindən yekdilliklə dəstəklənib. Artıq gələn həftə Bakıda Əmək Mərkəzi fəaliyyətə başlayacaq.
AzVision.az xəbər verir ki, bunu əmək və əhalinin sosial müdafiəsi nazirinin müavini Anar Kərimov İslam Əməkdaşlıq Təşkilatına üzv dövlətlərin əmək nazirlərinin Bakıda keçiriləcək 5-ci konfransı barədə keçirilən brifinqdə deyib.

Onun sözlərinə görə, bu mərkəz sosial tərəfdaşlıq, əmək münasibətləri çərçivəsində əməkdaşlığı genişləndirəcək.

"Gələn həftə rəhbər seçiləcək. Qərargah Bakıda fəaliyyət göstərəcək. Mərkəzin birinci mərhələdə DOST mərkəzlərinin birində fəaliyyət göstərməsi nəzərdə tutulub. Bu mərkəzə 10-dan çox dövlət üzvdür və onlar DOST mərkəzləri ilə təmasda olacaq".

Aytən Zəhra
AzVision.az



Teqlər:





Xəbər lenti