İsveçin NATO-ya müraciəti təsdiqləndikdən sonra Türkiyə F-16-ları ala bilər

İsveçin NATO-ya müraciəti təsdiqləndikdən sonra Türkiyə F-16-ları ala bilər
  25 Yanvar 2024    Oxunub:1103
ABŞ hesab edir ki, Türkiyə prezidenti Rəcəb Tayyib Ərdoğan İsveçin NATO-ya qəbulu ilə bağlı protokolu ratifikasiya edən qanun layihəsini tezliklə imzalayacaq, Vaşinqton isə Ankaradan müvafiq bildiriş aldıqdan sonra F-16 qırıcılarının satışı ilə bağlı sazişi dərhal təsdiq edəcək.
AzVision.az xəbər verir ki, bunu Amerikanın Ankaradakı səfiri Cefri Fleyk "Reuters" agentliyinə müsahibəsində deyib.

Diplomat izah edib ki, Ankara qanunu təsdiqlədikdən qısa müddət sonra sənədi 1949-cu ildə NATO-nun yaradılması haqqında sazişin imzalandığı Vaşinqtona göndərməlidir.

Onun sözlərinə görə, bu baş verdikdən sonra Ankara ABŞ Konqresinin F-16 müqaviləsini təsdiqləyəcəyini gözləyə bilər. Fleyk prosesin daha uzun çəkməsinin "heç bir səbəbinin" olmadığını vurğulayıb. Onun sözlərinə görə, Ankara konqresin Vaşinqtonda erkən iclasını və onun F-16-ların satışına razılığını almasını gözləyə bilər.

Aytən Zəhra
AzVision.az



Teqlər:





Xəbər lenti


Azvision.az ©2014 | Bütün hüquqları qorunur