Bu barədə “Politico” diplomatik mənbələrə istinadən xəbər verib. Bu plan fondun büdcəsinin mümkün qədər tez 5 milyard avro həcmində artırılmasını təsdiq edib razılaşdırmaq və Ukrayna ordusu üçün Avropadan birgə silah alışına keçməkdən ibarətdir.

Əvvəlcə bu qərarı qəbul etməyən Macarıstan sülh fondunun silah tədarükü üçün uyğun ola biləcək yeni alt bölməsinin - “Ukraynaya Yardım Fondu”nun yaradılması ilə bağlı mövqeyini yumşaldıb. Eyni zamanda diplomatlar qeyd ediblər ki, bu planı təsdiqləmək üçün bütün Aİ ölkələri üçün hələ çox iş görülməlidir.

Qeyd edək ki, artıq Avropa İttifaqı Şurasının iclasından əvvəl Aİ liderləri Macarıstan Baş naziri Viktor Orbanla görüşüb. Görüşdə Aİ Şurasının Prezidenti Şarl Mişel, Avropa Komissiyasının Prezidenti Ursula von der Leyen, Fransa Prezidenti Emmanuel Makron, Almaniya Kansleri Olaf Şolts, İtaliya Baş naziri Giorgia Meloni və Macarıstan Baş naziri Viktor Orban iştirak edib.

İlkin Nəcəfzadə
AzVision.az