Zəlzələnin Kahramanmaraşla yanaşı, Hatay, Osmaniye, Adıyaman, Diyarbakır, Şanlıurfa, Qaziantep, Kilis, Adana, Malatya və Elazığda da vurduğu fəlakətdə 53 min 537 nəfər həyatını itirib, 107 min 213 nəfər isə yaralanıb. Türkiyənin 4-cü səviyyəli xəbərdarlıq elan etdiyi zəlzələdən sonra aralarında beynəlxalq yardım da daxil olmaqla, 93 ölkədən axtarış-xilasetmə qrupları bölgədəki işlərə qatılıb.
Azərbaycan Prezidenti İlham Əliyevin tapşırığı ilə Fövqəladə Hallar Nazirliyinin çevik xilasetmə qüvvələri qardaş ölkəyə gedərək zəlzələnin fəsadlarının aradan qaldırılması və axtarış-xilasetmə əməliyyatlarına dəstək göstəriblər.
120 min kvadratkilometr sahədə 14 milyon vətəndaşa birbaşa təsir edən zəlzələlər 11 vilayət, 124 rayon, 6 min 929 kənd və məhəllədə ağır dağıntılara səbəb olub.
Ölkə ərazisində 7 günlük milli matəm, zəlzələ bölgəsində isə fövqəladə vəziyyət elan edilib.
Aytən Zəhra
AzVision.az
Vaxtında, Aydın, Lazımlı!
-1746022657.jpg&h=190&w=280&zc=1&q=100)
