Ukraynada 600 Azərbaycan vətəndaşı olan seçici qeydiyyatdadır. Səsvermə yerli vaxtla saat 19:00-a qədər keçiriləcək. Xarkov, Odessa, Lvov, Sumı, Poltava və digər vilayətlərdən də seçicilər gün ərzində çatıb səs verəcəklər.

Moldovanın paytaxtı Kişineuda da Azərbaycan səfirliyində yaradılan seçki məntəqəsi açılıb. Məntəqədə 100 Azərbaycan vətəndaşı olan seçici qeydiyyatdadır. Məntəqədə sərbəst səsvermə üçün bütün şərait yaradılıb.

Qeyd edək ki, Azərbaycanda bu gün növbədənkənar prezident seçkiləri keçirilir. Seçkilərdə hakim Yeni Azərbaycan Partiyasının prezidentliyə namizədi İlham Əliyev, namizədliyi özü tərəfindən irəli sürülən Zahid Oruc, Milli Cəbhə Partiyasının prezidentliyə namizədi Razi Nurullayev, Böyük Quruluş Partiyasının prezidentliyə namizədi Fazil Mustafa, Böyük Azərbaycan Partiyasının prezidentliyə namizədi Elşad Musayev, Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev və namizədliyi özü tərəfindən irəli sürülən Fuad Əliyev mübarizə aparır.
AzVision.az