Şimali Atlantika Alyansının baş katibi əlavə edib ki, Rusiya Federasiyası Navalnının ölümü ilə bağlı bütün faktları ortaya qoymalı və çox ciddi suallara cavab verməlidir.

Bundan əvvəl Rusiya XİN-in rəsmi nümayəndəsi Mariya Zaxarova NATO liderlərinin Aleksey Navalnının ölümünə reaksiyasını şərh edərkən bildirib ki, onların sürətli nəticələri özünü ifşadır.

Qeyd edək ki, Rusiyalı müxalifətçi Aleksey Navalnı bu gün Yamalo-Nenets Muxtar Dairəsinin Xarp qəsəbəsindəki "Qütb bayquşu" cəzaçəkmə koloniyasında vəfat edib. 47 yaşlı siyasətçinin tromb yaranması səbəbindən dünyasını dəyişdiyi bildirilir.

2021-ci ildən bəri Navalnı həbsdə idi. Məhkəmə onun Yves Rocher işi üzrə 3,5 illik şərti cəzasını real cəza ilə əvəz etmişdi. 2022-ci ilin martında Navalnı dələduzluq və məhkəməyə hörmətsizlik ittihamı ilə 9 il müddətinə azadlıqdan məhrum edilmişdi.

2022-ci ilin oktyabrında o, ekstremist icma yaratmaq və təşkil etmək, orada iştirak etmək, habelə ekstremist fəaliyyəti maliyyələşdirməkdə ittiham olunmuşdu. 2023-cü il avqustun 4-də Moskva Şəhər Məhkəməsi bu iş üzrə Navalnıya xüsusi rejimli koloniyada 19 il həbs cəzası kəsmişdi.

Şahanə Rəhimli
AzVision.az