“Düşüncəmizi başa düşmək vacibdir. Vəziyyətimizi, Ukrayna istiqamətində baş verən hər şeyin ölkə üçün nə qədər həssas və vacib olduğunu anlamaq vacibdir. Qərb üçün bu, taktiki mövqelərinin yaxşılaşmasıdır, amma bizim üçün bu, taledir, ölüm-dirim məsələsidir.

İstərdim ki, cənab Karlsonla müsahibəni dinləyən insanlar başa düşsünlər ki, bunun uğurlu olub-olmadığını mühakimə etmək mənim işim deyil”.

Vladimir Putin etiraf edib ki, müsahibənin bu hissəsi Qərb dinləyiciləri üçün çətin başa düşülə bilər. Dövlət başçısı vurğulayıb ki, cənab Karlsonla söhbətində o, qədim rus dövlətinin mənşəyi haqqında Norman nəzəriyyəsini danışıb.

Taker Karlson fevralın 9-da Vladimir Putinlə iki saat yeddi dəqiqəlik müsahibəni yayımlayıb. Rusiya prezidenti müsahibəsində amerikalı jurnalistə vahid Rusiya dövlətinin necə yaranması haqqında danışıb.

Rusiya prezidentinin mətbuat katibi Dmitri Peskov deyib ki, Qərb dövlətlərinin Moskvanın mövqeyi ilə tanış olması Kreml üçün vacibdir.

Şahanə Rəhimli
AzVision.az