Bu barədə Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib.
K.Əliyev qeyd edib ki, ötən ilin analoji dövrü ilə müqayisədə 171 hadisə (14,1%), 105 ölüm faktı (20,5%), 117 xəsarət alma faktı (9,5%) azalıb.
Şöbə rəisinin sözlərinə görə, qəzaların çoxu piyadaların vurulması ilə bağlı olub: "Piyadavurmalar ümumi hadisələrin 39 %-ni təşkil edib. Belə ki, 408 piyadavurma hadisəsi nəticəsində 143 nəfər ölüb, 313 nəfər isə xəsarət alıb. Təəssüflə qeyd edirəm ki, qəzalar zamanı ölənlərin 34-ü, yaralananların isə 99 nəfəri azyaşlı uşaqlar olub. Ölənlərdən 11-i, yaralananlardan isə 24-ü 7 yaşınadək, ölənlərin 23-ü, yaralananların 75-i isə 7 yaşından 16 yaşınadək olan uşaqlardır”.
BDYPİ sözçüsü bildirib ki, qəzaların çoxu sürücülər tərəfindən ötmə və qarşı hərəkət zolağına çıxma əməliyyatı zamanı qaydaların pozulması nəticəsində törədilib: "Bu səbəbdən 382 qəza baş verib. Nəticədə 144 nəfər ölüb, 490 nəfər isə xəsarət alıb".
Azərbaycanda 407 ölü, 1117 yaralı - `Yol qətliamı`
15 İyul 2015
Oxunub:2316
2015-ci ilin ilk 6 ayı ərzində Azərbaycanın avtomobil yollarında 1045 yol-nəqliyyat hadisəsi qeydə alınıb. Qəzalar nəticəsində 407 nəfər ölüb, 1117 nəfər müxtəlif dərəcəli bədən xəsarətləri alıb.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
