Əyyub Cəfərov bu gün Siyəzən rayonunun Qalaltı kəndi yaxınlığındakı meşədə anlaqsız vəziyyətdə tapılaraq ailəsinə təhvil verilib.
Əyyub Cəfərovu itkin düşmüş sayıldığı 47 gün ərzində saqqal basıb. O, psixi xəstəyə çevrildiyindən başına gələnlər barədə sualları cavablandıra bilməyib. 53 yaşlı Ə.Cəfərovun axtarışları ilə yaxınları ilə yanaşı Salyan polisi də məşğul olurdu.
Qeyd edək ki, kənd sakinləri Əyyub Cəfərovu sakit təbiətli bir adam kimi tanıdıqlarını, onun uzun müddət kənd icra nümayəndəliyində mühasib işlədiyini demişdilər.
Kənd sakinlərinin bildirdiyinə görə, Ə.Cəfərovun ayrı-ayrı şəxslərə və banklara üst-üstə 30 min manata yaxın borcu olub, amma bu borcları qaytara bilmirmiş. Bu səbəbdən keçirdiyi stress ucbatından hələ mart ayında onun səhhətində nevroloji problemlər yaranıb, dinib-danışmırmış, özünə qapanıbmış. Ev şəraitində müalicə də olunurmuş. İyunun 1-də isə yaxınlarına bir söz demədən evdən çıxıb və elə o vaxtdan da ondan bir xəbər yox idi. (virtualaz.org)
47 gün əvvəl yoxa çıxan müdir meşədən tapıldı
17 İyul 2015
Oxunub:2984
İyunun 1-də evdən çıxan və bir daha geri qayıtmayan Salyan rayonu, II Varlı kənd poçt şöbəsinin müdiri Əyyub Cəfərov tapılıb.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
