“Bəşər Əsədə kömək edirik” – Lavrovdan etiraf

  07 Sentyabr 2015    Oxunub : 1679
“Bəşər Əsədə kömək edirik” – Lavrovdan etiraf
Moskva heç vaxt Suriyanın rəsmi hakimiyyətinə terrorçularla mübarizədə silah ötürməsinə dair faktı gizlətməyib.
AzVision.az “RİA Novosti”yə istinadən xəbər verir ki, bu barədə Rusiya XİN-in rəsmi nümayəndəsi Mariya Zaxarova Rusiya XİN rəhbəri Sergey LavrovABŞ dövlət katibi Con Kerri ilə telefon danışığını şərh edərkən bildirib.

“Lavrov belə bir köməyin həmişə göstərildiyini təsdiqləyib və Rusiyanın heç vaxt Suriyanın rəsmi hakimiyyətinə terrorçularla mübarizədə hərbi texnika ötürməsinə dair faktı gizlətməyib”, - deyə Zaxarova bildirib.

Bundan əlavə Lavrov Kerriyə xatırladıb ki, Rusiya beynəlxalq koalisiyanı Suriya hökuməti ilə əməkdaşlıq etməyə çağırıb. Çünki, Rusiya tərəfi məhz hakimiyyəti terrorçulara qarşı mübarizədə həqiqi güc hesab edir.

Qeyd edək ki, daha əvvəl Böyük Britaniya “The Telegraph”qəzeti Rusiyanın Suriyada hərbi baza tikmək və ora bir neçə yüz hərbçi göndərmək niyyətində olduğunu bildirmişdi.

Eldar Tanrıverdiyev
AzVision.az

Teqlər: