Aclıqla bağlı xəbərdarlıq edildi
BMT-nin Bakı ofisindən virtualaz.org saytına deyiblər ki, BMT-nin Ərzaq və Kənd Təsərrüfatı Təşkilatı 129 ölkədə monitorinq aparıb. Bu ölkələrdən 72-si yoxsulluğun səviyyəsini azaltmağa nail olub.
Davamlı tədqiqatlar göstərir ki, sosial müdafiə tədbirlərinin aclıq və kasıblığın azaldılmasında rolu var. Bu cür tədbirlər təxminən 150 milyon insanı kəskin kasıblıq vəziyyətindən çıxarıb.
Dünyanın kasıb və ac əhalisinin əksər hissəsi gündəlik tələbatlarını kənd təsərrüfatı vasitəsilə ödəyən kəndlilərdir.
Dünyadakı kasıb və ac əhalinin əksər hissəsinin kənd yerlərində yaşadığını və kənd təsərrüfatından asılı olduğunu nəzərə alsaq, sosial müdafiənin kənd təsərrüfatının inkişafı ilə uyğunlaşdırılması daha məqsədəuyğun görünür.
Bu üzdən də FAO builki Ümumdünya Qida Gününün mövzusu kimi sosial müdafiə və kənd təsərrüfatı sahələrini seçib.
BMT-nin Bakı bürosundan xatırladıblar ki, Azərbaycan son zamanlar FAO ilə əməkdaşlığı gücləndirib. Heydər Əliyev Fondunun vitse-prezidenti Leyla Əliyeva FAO-nun milli və regional səviyyədə xoşməramlı səfiri seçilib. Azərbaycan isə yoxsulluğun səviyyəsinin azalmasında irəliləyişə nail ola bilib.
Teqlər: