`İnsanları çox vaxt tanımaq olmur` - Hicran Hüseynova

`İnsanları çox vaxt tanımaq olmur` - Hicran Hüseynova
  14 Aprel 2016    Oxunub:4684
“Ailələr dağılarkən ən çox əziyyəti uşaqlar çəkir. Məhkəmə qərarı çıxdıqdan sonra ata-ana uşağı hərəsi bir tərəfə çəkir. Onlar fikirləşmirlər ki, belə olan halda uşağın sabahı necə olacaq”.
AzVision.az xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib.

Komitə sədrinin sözlərinə görə, boşanma ilə bağlı araşdırma aparılan zamanı məlum olur ki, dağılan ailələrin çoxunda ciddi problem yaşanmayıb:

“Boşanmanın zərbəsi əsasən uşaqlara dəyir. Uşaqlar çox psixoloji təsir altında qalırlar. Sonra təəccüblənirik ki, uşaqlar pis vərdişlərə qurşanırlar. Valideynlərə sual verməliyik ki, gün ərzində yarım saat uşaqları ilə məşğul olurlarmı?. Bəzilərinin xəbəri yoxdur ki, uşaqları nə işlə məşğuldur.

Komitəyə müraciətlər olur ki, imkanım var, eyni zamanda uşaq evlərindən bir neçə uşaq götürüb saxlamaq istəyirəm. Biz bu insanlara ciddi yanaşmalıyıq. Onların psixi, sosial və digər durumları nəzərə alınmalıdır. İnsanları çox zaman tanımaq olmur. Amma müraciət edəndə görürsən ki, anormal şəxsdir. Belə insanlara nəinki özgə uşağını, heç öz uşağının da tərbiyəsini etibar etmək olmaz. Bu sahədə qanunvericilikdə olan boşluqları aradan qaldırmaq lazımdır ki, gələcəkdə ciddi problemlərlə üzləşməyək”.

Anar Kəlbiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur