`Ukrayna səfiri` Gəncədə saxlanıldı

`Ukrayna səfiri` Gəncədə saxlanıldı
  24 May 2016    Oxunub:2314
Gəncə şəhərində özünü Ukrayna səfiri, xeyriyyəçi və işədüzəltmə təşkilatının rəhbəri kimi qələmə verərək dələduzluqla məşğul olan Ukrayna vətəndaşı Kifayət Qasımova saxlanılıb.
"Report"un hüquq-mühafizə orqanlarından əldə etdiyi məlumata görə, K.Qasımova ayrı-ayrı vətəndaşlardan 10 min manat, 6 min manat və digər müxtəlif məbləğlərdə pulları alaraq onları işə düzəldəcəyi adı ilə aldadıb.

İki qadın və bir kişinin şikayəti əsasında K.Qasımova Gəncə Şəhər Baş Polis İdarəsinin əməkdaşları tərəfindən saxlanılıb.

Zərərçəkən şəxslərdən ikisi "Gəncə" mehmanxanasının işçiləri olub. K.Qasımova da məhz həmin mehmanxanada qalıb. Araşdırmalar davam etdirilir.

AzVision.az


Teqlər:  





Xəbər lenti