Hərbi Akademiyada növbəti buraxılış olub

  18 Noyabr 2017    Oxunub : 449
Hərbi Akademiyada növbəti buraxılış olub

Silahlı Qüvvələrin Hərbi Akademiyasının təkmilləşdirmə və ingilis dili kurslarının növbəti buraxılışı keçirilib.

AzVision.az-ın Müdafiə Nazirliyinin saytına istinadən verdiyi məlumata görə, buraxılış mərasimlərində Heydər Əliyevin və ölkəmizin ərazi bütövlüyü uğrunda şəhid olmuş vətəndaşlarımızın xatirəsi bir dəqiqəlik sükutla yad edilib.

Silahlı Qüvvələrin Hərbi Akademiyasının rəisi general-leytenant Heydər Piriyev çıxış edərək məzunları təbrik edib və gələcək xidməti fəaliyyətlərində uğurlar arzulayıb.

Akademiyanın professor-müəllim heyəti ilə yanaşı, tədbirdə Amerika Birləşmiş Ştatlarının ölkəmizdəki hərbi attaşesi polkovnik Adam Kavlik də iştirak edib. Kursu bitirənlərə diplom və sertifikatlar təqdim olunub. Sonda məzunlarla xatirə şəkilləri çəkilib.

AzVision.az

Teqlər: Müdafiə-Nazirliyi