Səməd Seyidov AŞPA-da Sarkisyanı susdurdu

  24 Yanvar 2018    Oxunub : 3163
Səməd Seyidov AŞPA-da Sarkisyanı susdurdu
Azərbaycanın AŞPA-dakı nümayəndə heyətinin rəhbəri, qurumun vitse-prezidenti Səməd Seyidov Ermənistan prezidenti Serj Sarkisyana sual ünvanlayıb.
AzVision.az xəbər verir ki, S.Seyidovun Xocalı soyqırımı ilə bağlı sualı AŞPA-nın bugünkü sessiyasında çıxış edən Sarkisyanı çətin vəziyyətə salıb.

“Siz Azərbaycana qarşı müharibənin lideri olmusunuz. Nə üçün Xocalı soyqırımından danışmadınız? O soyqırımda uşaqlar, yaşlı insanlar, qadınlar daxil olmaqla ermənilər tərəfindən təxminən 600 nəfər öldürülüb.

Siz beynəlxalq ictimaiyyəti aldatmağa çalışırsınız. Nə bu təşkilatın, nə də digər təşkilatların qətnamələrini yerinə yetirirsiniz. Bu təşkilatda, BMT, Avropa İttifaqı və digər qurumlarda Azərbaycan torpaqlarının işğalı barədə danışılıb. Siz bu təşkilatlardan heç kimi qəbul etməyə hazır deyilsiniz”, - deyə S.Seyidov qeyd edib.

Eldar Tanrıverdiyev
AzVision.az

Teqlər: AŞPA   Səməd-Seyidov   Sarkisyan