"Münaqişənin təməlində aqressiv separatizm dayanır" - Kərim Vəliyev

  04 Aprel 2018    Oxunub : 436
"Münaqişənin təməlində aqressiv separatizm dayanır" - Kərim Vəliyev
"Azərbaycan Moskva Beynəlxalq Təhlükəsizlik Konfransında iştiraka xüsusi önəm verir. Bu forumda qlobal və regional təhlükəsizliyin əsas problemlərinə nəzər yetirilir, real və yenidən yaranmış təhlükə və risklərin aradan qaldırılması istiqamətləri və yolları müəyyən edilir, təcrübə mübadiləsi aparılır və digər mühüm məsələlər müzakirə olunur".
AzVision.az xəbər verir ki, bunu APA-nın Moskva müxbirinə açıqlamasında VII Moskva Beynəlxalq Təhlükəsizlik Konfransında Azərbaycan nümayəndə heyətinə rəhbərlik edən müdafiə nazirinin müavini, general-leytenant Kərim Vəliyev bildirib.

"Coğrafi cəhətdən Azərbaycan bir tərəfdən beynəlxalq terrorçu təşkilatlarla silahlı mübarizə ocaqlarına bilavasitə yaxın yerləşir, digər tərəfdən isə 30 ildən çoxdur Ermənistan-Azərbaycan, Dağlıq Qarabağ münaqişəsinə cəlb olunub. Bu münaqişənin təməlində aqressiv separatizm dayanır. Ona görə də Dağlıq Qarabağ münaqişəsinin nizamlanması prosesindəki mövcud real vəziyyət barədə məlumatların konfransın iştirakçılarına çatdırılması və müxtəlif məsələlərlə bağlı həmkarlarımızla fikir mübadiləsi imkanının olması baxımından Azərbaycanın bu beynəlxalq konfransda iştirakını vacib hesab edirik", - deyə nazir müavini qeyd edib.

AzVision.az

Teqlər: Kərim-Vəliyev   Nazir-müavini   Qarabağ