1400 metr yüksəklikdə yerləşən kənd - Lazadan FOTOREPORTAJ

  27 İyul 2018    Oxunub : 26106
1400 metr yüksəklikdə yerləşən kənd - Lazadan FOTOREPORTAJ
Qəbələnin Laza kəndi dəniz səviyyəsindən 1300-1400 metr yüksəklikdə yerləşir. Kənd rayon mərkəzindən 8 kilometr şimal-şərqdə, Dəmiraparan çayının sahilində, Baş Qafqaz silsiləsinin cənub yamacında salınıb.
Hazırda kənddə təxminən 140-150 ev var. Əhalinin əsas məşğuliyyəti kənd təsərrüfatıdır. Kəndin girişində vurulan lövhə Lazaya gələn qonaqların diqqətini çəkir. Elə bizim də Lazaya səfərimiz 5 min il yaşı olan daşla tanışlıqdan başlayır...

50 əsrin şahidi olan daşa baxıb, şəklini lentə aldıqdan sonra yolumuzu kəndə doğru salırıq. Laza sıx ağaclar, dağlar, yaşıl don geyinmiş dərələr və soyuq bulaqlarla əhatə olunub. Bir sözlə, kənd füsunkar təbiətə malikdir. Bu səbəbdən Qəbələyə gələn həm yerli, həm də xarici turistlər Lazanı ziyarət edir, buranın qonaqpərvər sakinləri il həmsöhbət olurlar.

Kənddə olduğumuz zaman yeni məktəbin tikildiyini öyrəndik. Bundan öncəki məktəb yandığı üçün sıradan çıxıb. Hazırda onun yerində modul tipli məktəb qurulur. Kəndin balaca sakinləri sentyabrın 15-də yeni məktəbdə dərsə başlayacaqlar.

Lazanın digər özəlliklərindən biri Azərbaycanın ən hündür şəlalələrindən biri olan Mucuqa gedən yolda yerləşməsidir.
















































Anar Kəlbiyev
Foto: Elvin Abdulla

AzVision.az

Teqlər: Qəbələ   Laza