Ölkəmizdə 30 xalça fabrikinin tikilməsi nəzərdə tutulub

  05 Noyabr 2018    Oxunub : 307
Ölkəmizdə 30 xalça fabrikinin tikilməsi nəzərdə tutulub
Azərbaycanda 30 xalça fabrikinin tikilməsi nəzərdə tutulub.
Azvision.az xəbər verir ki, bunu “Azərxalça” ASC-nin Ağdam filialının açılışında iştirak edən Prezident İlham Əliyev xalçaçılarla görüşündə deyib.

Dövləti başçısı qeyd edib: "Sizi bu gözəl xalça fabrikinin açılışı münasibətilə təbrik edirəm. Bu, sayca yeddinci fabrikdir. Proqramımızda Azərbaycanda 30 xalça fabrikinin tikilməsi nəzərdə tutulub, yeddincisi bu gün açılır. Çox şadam ki, biz Ağdam rayonunda buna nail ola bilmişik. Burada sizin üçün gözəl şərait, 150 iş yeri yaradılıb, işləyənlər də qadınlardır. Siz həm gözəl sənətimizi yaşadırsınız, həm də gözəl əsərlər yaradırsınız. Bu işlərə gənc qızlarımızı cəlb edirsiniz. Sizin fəaliyyətiniz çox yüksək qiymətə layiqdir".

Prezident bildirib ki, Ağdamın qədim xalçaçılıq məktəbi var: "Burada qədim xalçalar da nümayiş etdirilir. İndi Sizin də əl işləriniz göz qabağındadır. Ona görə ki, xalça sənəti bu gün milli sənətimizdir, milli sərvətimizdir. Biz yaşadırıq, yaşadacağıq. Sizin kimi insanlar, əlbəttə ki, bu gözəl sənəti əbədi yaşadacaqlar. Sizi ürəkdən təbrik edirəm".

Azvision.az

Teqlər: Prezident   İlham-Əliyev   Ağdam   Xalça