“Rövşən Rzayev kompensasiya ödəniləcək deməyib” - Açıqlama

  26 Fevral 2019    Oxunub : 2809
 “Rövşən Rzayev kompensasiya ödəniləcək deməyib” - Açıqlama
Bu gün bəzi internet-media portalları Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayevin Bakı şəhəri, Səbail rayonu, Bayıl sürüşmə zonasında evləri olan məcburi köçkünləri qəbul etdiyi, onların şəxsi mülkləri hesab olunan evlərin söküntüsü baş tutacağı təqdirdə, kompensasiya ödəniləcəyini dediyi barədə məlumat yayıb.
Komitədən bununla bağlı Azvision.az -a bildirilib ki, Rövşən Rzayev həmin ərazidə evləri olan məcburi köçkünlərlə görüşüb, onların müraciətini dinləyib.

Məcburi köçkünlərin yazılı müraciəti müvafiq qaydada qeydiyyata alınıb. Onlara evləri söküləcəyi təqdirdə kompensasiya ödəniləcəyi və məsələnin bu həftə ərzində öz həllini tapacağı barədə heç bir rəsmi cavab verilməyib. Ümumiyyətlə, görüşdə kompensasiya barədə söhbət olmayıb.

Azvision.az


Teqlər: Komitə   Rövşən-Rzayev