Gəncədə narkotik satan şəxs saxlanılıb

Gəncədə narkotik satan şəxs saxlanılıb
  27 Fevral 2019    Oxunub:2690
Gəncə Şəhər Baş Polis İdarəsinin əməkdaşlarının keçirdikləri uğurlu əməliyyat tədbirləri nəticəsində külli miqdarda narkotik vasitə aşkar edilərək qanunsuz dövriyyədən çıxarılıb.
DİN-in Mətbuat Xidmətinin Gəncə Regional qrupundan Azvision.az -a verilən məlumata görə, fevralın 25-də Gəncə ŞBPİ-nin Cinayət Axtarışı İdarəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən, şəhər sakini 31 yaşlı Gündüz Xalıqverdiyev saxlanılaraq Baş Polis İdarəsinə gətirilib.

Onun üzərinə qanunvericiliklə müəyyən edilmiş qaydada baxış keçirilən zaman 14 ədəd kağız bükülüdə ümumi çəkisi 2.8 qram çəkidə narkotik vasitə olan “heroin”, 2 ədəd kağız bükülüdə ümumi çəkisi 11 qram olan marixuana və 0.034 qram “heroin” məhlulu aşkar olunaraq götürülüb.

İlkin dindirilmə zamanı G. Xalıqverdiyev narkotik maddə istifadəçisi olduğunu etiraf edib. Faktla bağlı araşdırmalar davam etdirilir.

Azvision.az


Teqlər: DİN   Gəncə   Narkotik  





Xəbər lenti