Milli Şuranın mitinqinə icazə verilmədi - Şikayətlər davam edir

  27 Fevral 2019    Oxunub : 3712
 Milli Şuranın mitinqinə icazə verilmədi - Şikayətlər davam edir
Bakı Şəhər İcra Hakimiyyəti Milli Şuranın 2 martda mitinq keçirməklə bağlı müraciətinə cavab verib.

Azvision.az xəbər verir ki, meriya qurumun həmin tarixdə mitinq keçirməsini məqsəd uyğun hesab etməyib.
Cavab məktubnunda qeyd olunur ki, Milli Şuranın yanvarın 19-da keçirdiyi mitinqdən dərhal sonra bəzi toplantı iştirakçıları tərəfindən yol verilmiş qanun pozuntuları, ictimai təhlükəsizlik əleyhinə olan əməllər törətmələri və polisin qanuni tələblərinə qarşı tabesizlik göstərmələri şəhər sakinlərinin haqlı narazılığına, Bakı Şəhər İcra Hakimiyyətinə və hüquq mühafizə orqanlarına çoxsaylı müraciətlərinə səbəb olub və bu haqda müraciətlər hələ də davam etməkdədir. Bununla əlaqədar Bakı Şəhər Baş Polis İdarəsi tərəfindən Bakı Şəhər İcra Hakimiyyətinə müvafiq müraciətlər ünvanlanıb.

Bu da mitinq təşkilatçılarının “Sərbəst toplaşmaq azadlığı haqqında” qanununun 12-ci maddəsində nəzərdə tutulmuş vəzifələri yerinə yetirmək imkanında olmadıqları qənaəti yaradır. Qeyd olunanları və “Sərbəst toplaşmaq azadlığı haqqında” qanununun 7-ci maddəsinin I hissəsini nəzərə alaraq 2 mart 2019-cu il tarixdə Bakı şəhəri, Yasamal rayonu, M.Seyidov küçəsi, 3155-ci məhəllədə yerləşən Yasamal Rayon İdman-Sağlamlıq Kompleksinin stadionunda planlaşdırılan mitinq məqsədəuyğun hesab edilmir.



Elvin Abdulqədirov
Azvision.az

Teqlər: MilliŞura   Mitinq