RİİB kimsəsiz uşaqlar üçün məşğələlər təşkil edib - Fotolar

RİİB kimsəsiz uşaqlar üçün məşğələlər təşkil edib -    Fotolar
  04 Mart 2019    Oxunub:2432
Heydər Əliyev Fondunun “Regional İnkişaf” İctimai Birliyi Şəki qarışıq tipli uşaq evinin sakinləri üçün incəsənətin müxtəlif növləri üzrə məşğələlər təşkil edib.
Fonddan Azvision.az -a verilən məlumata görə, 3 nömrəli Uşaq-Gənclər İnkişaf Mərkəzi ilə birgə keçirilən məşğələlərdə uşaq və yeniyetmələr rəqs, aktyorluq sənəti və əl işlərinin hazırlanması ilə bağlı təlimlərdə iştirak ediblər. Onlar üçün, eyni zamanda, musiqili-əyləncəli proqramlar da təşkil olunub.



Layihənin məqsədi valideyn himayəsindən məhrum və xüsusi qayğıya ehtiyacı olan uşaqların asudə vaxtlarının səmərəli təşkili ilə yanaşı, eyni zamanda, onların incəsənətin müxtəlif növlərinə marağını artırmaq və gələcəkdə peşə seçimlərini stimullaşdırmaqdır.



Məşğələlərin daha sonra müntəzəm davam etdirilə bilməsi üçün uşaq evinin müəllimləri də təlimlərə cəlb olunub. Qeyd edək ki, layihənin digər regionlardakı uşaq evləri və internat məktəblərində də keçirilməsi nəzərdə tutulur.






Azvision.az


Teqlər: RİİB   Şəki  





Xəbər lenti