Oqtay Şirəliyev: “Səhiyyə Nazirliyinin “B” variantı var” - VİDEO

  24 Mart 2020    Oxunub : 2276
 Oqtay Şirəliyev: “Səhiyyə Nazirliyinin “B” variantı var” - VİDEO
"Azərbaycanın bütün qurumları, nazirliklər Operativ Qərargahda təmsil olunurlar, koronavirusla mübarizədədirlər. Hər qurum kimi Səhiyyə Nazirliyi də ehtiyat variantı nəzərə alıb".
Azvision.az xəbər verir ki, bunu Azərbaycan Televiziyasının (AzTV) "Hədəf" verilişində Səhiyyə naziri Oqtay Şirəliyev koronavirusla mübarizədən danışarkən deyib.

Nazir bildirib ki, vəziyyət gərginləşərsə, rəhbərlik etdiyi qurumun "B" variantı var: "Bu elə xəstəlikdir ki, onunla mübarizədə hansı sahənin mütəxəssisləri lazımdır, biz bilirik. Həmin mütəxəssislərdən ibarət xüsusi briqadalar yaradılıb ki, lazım olan hansısa müəssisəyə göndərilsinlər. Yəni, ehtiyat üçün bütün məsələlər nəzərdə tutulub. Biz hər şeyə hazırıq. Amma əlbəttə ki, istəyirik ölkəmizdə koronavirus geniş yayılmasın. Bunun üçün bütün tədbirlər görülür".



Azvision.az

Teqlər: Oqtay-Şirəliyev