Bu barədə Nazirliyinin İctimaiyyətlə əlaqələr şöbəsindən AzVision.az-a verilən məlumat verilib.

Qeyd edək ki, Azərbaycan Respublikası Prezidentinin 2006-cı il 19 yanvar tarixli fərmanına əsasən, 20 Yanvar şəhidlərinin ailə üzvlərinə ayda 300 manat, 19 yanvar 2011-ci il tarixli Fərmanına əsasən isə 20 Yanvar hadisələri ilə əlaqədar əlil olmuş şəxslərə, o cümlədən I qrup əlillərə 150 manat, II qrup əlillərə 130 manat, III qrup əlillərə isə 100 manat məbləğlərində Azərbaycan Respublikası Prezidentinin təqaüdləri təyin olunub.

Əmək və Əhalinin Sosial Müdafiəsi Nazirliyi tərəfindən indiyədək 53 nəfər 20 Yanvar əlili və şəhid ailəsi mənzillə, 58 nəfər 20 Yanvar əlili isə minik avtomobili ilə təmin edilib. Hər il 20 Yanvar faciəsinin ildönümü ilə bağlı bu təbəqədən olan vətəndaşlarla görüşlər keçirilir, onlara birdəfəlik maddi yardımlar verilir, onların ölkə daxilində və xaricdə müalicəsi, sosial-məişət problemlərinin həlli, yay mövsümündə ölkənin müxtəlif istirahət zonalarında dincəlmələrinin təşkili istiqamətində müvafiq işlər görülür. Eyni zamanda, istedadlı əlillərin iştirakı ilə keçirilən ümumrespublika səviyyəli yaradıcılıq müsabiqələri və idman yarışlarında 20 Yanvar əlillərinin də iştirakı təmin edilir.

AzVision.az