Pakistan qəzeti şəhidlərimizdən yazıb

Pakistan qəzeti şəhidlərimizdən yazıb
  20 Yanvar 2014    Oxunub:888
“Pakistan Observer” qəzetində Beynəlxalq İslam Universitetinin professoru Ghufran Əhmədin 20 yanvar hadisələrinə həsr edilmiş “20 Yanvar Şəhidləri” adlı məqaləsi çap olunub.
Məqalədə 1980-ci illərin sonunda Sovet İttifaqında cərəyan edən hadisələr, ermənilərin Azərbaycana qarşı əsasız ərazi iddiaları haqqında ətraflı məlumat verilir. Qeyd olunur ki, sovet rəhbərliyi ikili standart tətbiq edərək Ermənistanın haqsız iddialarına dəstək vermiş və buna etiraz əlaməti olaraq Azərbaycan xalqı meydanlara axışaraq kommunist rejiminə etimadsızlıq göstərmiş və müstəqil Azərbaycan şüarları ilə çıxış ediblər.

Yazıda azadlıq hərəkatını boğmaq məqsədi ilə 1990 –ci il yanvarın 20-də sovet ordusunun 26 minlik kontingentinin Bakıya yeridildiyi bildirilir. Müəllif ordunun mülki əhaliyə qarşı törətdiyi vəhşiliklər haqqında söhbət açaraq ölənlər arasında uşaq, qadın və qocaların olduğunu qeyd edir. Daha sonra yazır ki, əsgərlər mülki əhali, təcili tibbi yardım maşınları və hətta xəstəxanaları atəşə tutublar.

Məqalədə deyilir ki, siyasi məna daşıyan bu aksiya Almatı və Tbilisi hadisələrindən sonra baş verib və Azərbaycanın müasir tarixində dönüş nöqtəsi, SSRİ-nin süqutunun isə başlanğıcı olub.


Teqlər:  





Xəbər lenti