İmtahanda zəhərlənənlərin vəziyyəti necədir?

  14 Sentyabr 2020    Oxunub : 2259
 İmtahanda zəhərlənənlərin vəziyyəti necədir?
“Həftəsonu keçirilən “Yüksəliş” müsabiqəsinin imtahanı zamanı zəhərlənmə halı üç-dörd mərkəzdə qeydə alınıb. Hazırda həmin şəxslərin vəziyyəti yaxşıdır və onlar artıq xəstəxanadan evə buraxılıb.
Bunu Azvision.az -a açıqlamasında “Yüksəliş” İctimai Birliyinin İctimaiyyətlə Əlaqələr şöbəsinin rəhbəri Aliyə Əliyeva deyib. O bildirib ki, hazırda Qida Təhlükəsizliyi Agentliyindən ekspertizanın rəyini gözləyirlər.

“Zəhərlənənlərin 20 faizi iştirakçılar, əksəriyyəti işçi heyət- nəzarətçilər, texniki heyət, könüllər olub. Hər kəs eyni yerdə qidalanıb”.

A.Əliyeva vurğulayıb ki, imtahanlarda yeni sualların hazırlanması üçün ekspertlər çalışırlar. Onun sözlərinə görə, “Yüksəliş” müsabiqəsinin yeni imtahanı iki həftədən sonra keçirilə bilər. İmtahanların keçiriləcəyi gün barədə ictimaiyyətə məlumat veriləcək.

Qeyd edək ki, sentyabrın 12-də “Yüksəliş” müsabiqəsinin əyani mərhələsinin ikinci imtahanında kütləvi qida zəhərlənməsi baş verib.

Aytən Zəhra
Azvision.az

Teqlər: Yüksəliş   İmtahan   Zəhərlənmə