"Məqsədimiz dezinformasiyanın qarşısını almaqdır" - Deputat
Deputat bildirib ki, bizim məqsədimiz dezinformasiyanın qarşısını almaqdır. O əlavə edib ki, Azərbaycan Ordusunun apardığı iş haqq işidir və Cenevrə Konvensiyasının, beynəlxalq hüquq normaları çərçivəsində həyata keçirilir.
"Azərbaycan Silahlı Qüvvələri əks-hücum əməliyyatının ölkə daxilində, öz ərazi bütövlüyü çərçivəsində aparır. Otuz ildən artıqdır ki, BMT-nin 4 qətnaməsi kağız üzərində qalıb. Bu qətnamələrin birinin müzakirəsi zamanı bir sıra xarici ekspertlər münaqişənin həll edilməsinin Azərbaycanın haqq işi olduğunu bildirib. Milli Məclisin Sədri Sahibə Qafarova Rusiyaya səfəri zamanı bir sıra rəsmi şəxslərlə görüşləri zamanı Azərbaycanın öz ərazi bütövlüyü uğrunda mübarizə apardığını və Qarabağın Azərbaycanın tarixi və əzəli torpağı olduğunu bildirib”.
Deputat Ermənistanın siyasi rəhbərliyinin Azərbaycan Ordusunda muzdlu əsgərlərin döyüşməsi haqqında feyk xəbərlər yaymasından da danışıb və onların həqiqəti əks etdirmədiyini diqqətə çatdırıb: "Biz öz torpaqlarımız uğrunda mübarizə aparırıq və Azərbaycan ərazi bütövlüyünü bərpa edəcək".
Azvision.az
Teqlər: Deputat Nizami-Səfərov Qarabağ