Daxili İşlər Nazirliyinin Mətbuat Xidmətinin Gəncə regional qrupundan Azvision.az -a verilən məlumata görə, polis əməkdaşlarının keçirdikləri peşəkar əməliyyat-axtarış tədbirləri nəticəsində hadisəni törətməkdə şübhəli bilinən şəhər sakini, əvvəllər məhkum olunmuş Müşfiq Bayramov saxlanılıb. Dindirilmə zamanı saxlanılan şəxs törətdiyi cinayət hadisəsini etiraf edib.

Polis əməkdaşlarının M.Bayramovun ətrafında keçirdikləri istintaq-əməliyyat tədbirləri nəticəsində onun törətdiyi digər bir cinayət hadisəsini də aşkar edib. Araşdırmalar zamanı məlum olub ki, saxlanılan şəxs şəhər ərazisində yerləşən yaşayış olmayan mənzillərdən birinə qeyri-qanuni yolla daxil olaraq oradan 1200 manat olan dəyərində kondisioneri oğurlayıb.

RPİ-nin əməkdaşlarının keçirdikləri daha bir əməliiyat-axtarış tədbirləri nəticəsində qanunsuz olaraq narkotik vasitə əldə edib saxlamaqda şübhəli bilinən şəhər sakini Samir Abbasov saxlanılıb. Polis idarəsində onun üzərinə baxış keçirilən zaman bir ədəd sellofan bükümdə çəkisi 13 qram narkotik maddə olan heroin aşkar edilərək götürülüb.

Qeyd edilən faktlarla bağlı ŞBPİ-nin İstintaq və təhqiqat idarəsində cinayət işi başlanılıb, araşdırmalar davam etdirilir.







Azvision.az