Paşinyan həbs edilir? - Baş prokuror göstəriş verdi

AzVision.az xəbər verir ki, bu barədə Ermənistan İstintaq Komitəsinin mühüm işlər üzrə idarəsinin rəisi Rafael Vardanyan məlumat verib. O, müharibədə öldürülmüş hərbçilərin valideynləri ilə görüşdə deyib ki, hazırda gələcək dindirilmənin detalları açıqlana bilməz.

- Baş Prokurorun cinayət işi çərçivəsində verdiyi göstərişlər yerinə yetiriləcək. Sizin artıq İstintaq Komitəsinin rəhbəri ilə görüşünüz təyin edilib və bu görüş zamanı şərtlər müzakirə olunacaq, - Vardanyan deyib.

Qeyd edək ki, mayın 17-də valideynlər Apellyasiya Məhkəməsi, Baş Prokurorluq və İstintaq Komitəsinin binası qarşısında etiraz aksiyası keçiriblər. Onlar "müharibə işi"nin dərhal araşdırılmasını və təqsirkarların prosesə cəlb edilməsini tələb ediblər. Valideynlər bu işdə əsas günahkar kimi baş nazir Nikol Paşinyanı görür, onu ittiham edirlər. Bu məqsədlə etirazçılar mayın 18-də yenidən Ermənistan İstintaq Komitəsinin binası qarşısına toplaşıblar.

Tural Tağıyev
AzVision.az