Bununla bağlı yayılan bəyanatda qeyd edilir ki, müxtəlif ictimai-siyasi və ekspert dairələrinin iştirakı ilə bir aya yaxın davam edən müzakirələr nəticəsində “Dağlıq Qarabağın Təhlükəsizlik və İnkişafı Uğrunda Cəbhə” adlı hərəkat (Platforma) formalaşdırılıb.

Ermənilər "oturan Arayik"i qınayırlar

Qonşu ölkənin ərazisində baş verən proseslərlə bağlı yaradılmış bu anormal platformanın məqsədi Qarabağdakı vəziyyətlə bağlı diasporun potensialından istifadə etmək, həmçinin beynəlxalq aləmdə dezinformasiyalar yaymaq üçün tədbirlər həyata keçirməkdir.

Bundan əlavə, bəyanatda qeyd edilir ki, separatçıların "öz müqəddəratını təyinetmə hüququ"nun reallaşdırması, Qarabağdakı ermənilərin təhlükəsizliyi və inkişafı üçün kompleks planın hazırlanması, habelə müharibədən sonrakı bərpa işləri üçün ideyaların formalaşdırılması nəzərdə tutulur.

Ermənistanda platformanın yaradılmasını Rusiyadan bölgəyə təxribat məqsədləri üçün göndərilmiş Ruben Vardanyan da alqışlayıb.

Tural Tağıyev
AzVision.az