Çarçyan deputat mandatından imtina etdi

Çarçyan deputat mandatından imtina etdi
  23 Oktyabr 2023    Oxunub:1104
Ermənistanda daha bir deputat mandatından imtina edib. AzVision.az xəbər verir ki, Bu barədə "Armlur" məlumat yayıb.
Qeyd edilir parlamentin müxalif “Hayastan” fraksiyasından olan deputatı Armen Çarçyan deputatlıqdan uzaqlaşmaq qərarına gəlib və artıq müvafiq ərizəsini də təqdim edib.

Erməni deputat mandatından imtina etdi
"Tezliklə bəyanat verəcəyəm və bu məsələ ilə bağlı açıqlamlarım olacaq", - Çarçyan "Armlur"a müsahibəsində deyib.

Qeyd edək ki, Armen Çarçyan 2021-ci ilin iyununda “Hayastan” (Ermənistan-red.) blokundan deputat seçilib. İzmirlyan tibb mərkəzinin keçmiş direktoru olan professor Çarçyan mandatını alarkən rüşvətxorluqda və seçicilərə təzyiqdə ittiham olunduğu üçün saxlanılmışdı. O, 2021-ci il dekabrın 10-da Konstitusiya Məhkəməsinin qərarı ilə həbsdən azad edilib. Konstitusiya Məhkəməsinin qərarına əsasən, azadlıqdan məhrum edilmiş şəxs deputat statusu aldığı andan həbsdə qala bilməz.

Xatırladaq ki, bundan öncə də bir neçə deputat mandatından imtina edib.

Tural Tağıyev
AzVision.az



Teqlər:   Ermənistan   Deputat   Mandat  





Xəbər lenti


Azvision.az ©2014 | Bütün hüquqları qorunur