NASA yaxın beş ildə Marsa uçuş təşkil edə bilməyəcək - Politico

NASA yaxın beş ildə Marsa uçuş təşkil edə bilməyəcək - Politico
  08 Aprel 2025    Oxunub:1074
ABŞ Milli Aeronavtika və Kosmik Tədqiqatlar Agentliyi (NASA) Mars planetinə astronavt göndərilməsi ilə bağlı diqqət çəkən açıqlama yayıb.
NASA-nın direktoru vəzifəsini icra edən Canet Petrona istinad edən “Politico” qəzeti yazıb ki, "qırmızı planet"ə ilk insan ayağının dəyməsi ilə bağlı hər şey heç də mətbuatda yazılan kimi asan olmayacaq. Çünki NASA astronavtların uçuş zamanı sağ qalmasına təminat olmadığı üçün yaxın beş il ərzində Marsa missiya təşkil edə bilməyəcək.

Çin alimləri "Mars okeanı" ilə bağlı tutarlı fakt aşkarlayıblar
O, belə bir missiyanın çoxlu sayda təhlükə ilə üzləşəcəyini qeyd edib. Bununla belə, hakimiyyət orqanları bu təhlükələrin bir çoxu haqqında olduqca az məlumata malikdir.

“Kimlə danışıramsa, hamı bunun (cari onilliyin sonuna qədər Marsa uçuşun – red.) mümkün olmasını düşünmür”, - deyə Petro vurğulayıb.

Martın 17-də amerikalı iş adamı və SpaceX kosmik şirkətinin direktoru İlon Mask "X" sosial şəbəkəsindəki səhifəsində diqqət çəkən açıqlama yaymışdı. O insanın yaxın 5-7 il ərzində ilk dəfə Marsa ayaq basa biləcəyini iddia edib.

Tural Tağıyev
AzVision.az



Teqlər:   Mars   NASA  





Xəbər lenti


Azvision.az ©2014 | Bütün hüquqları qorunur