Nazirlikdən xəbərdarlıq: Hava qeyri-sabit olacaq
![Nazirlikdən xəbərdarlıq: Hava qeyri-sabit olacaq Nazirlikdən xəbərdarlıq: Hava qeyri-sabit olacaq](https://azvision.az/photos/yagishava_1491900134.jpg)
Tibbi-meteoroloji proqnoza əsasən, aprelin 12-də Abşeron yarımadasında meteoroloji amillərin normal sutkalıq gedişi meteohəssas insanlar üçün əsasən əlverişli olsa da, 13-də atmosfer təzyiqinin enməsi fonunda gündüz arabir güclənən gilavar küləyi bəzi insanlarda narahatlıq hissi yarada bilər.
Azərbaycanın rayonlarında bəzi yerlərdə şimşək çaxacağı, arabir yağış, dağlıq ərazilərdə qar yağacağı, duman olacağı gözlənilir. Gündüz əsasən yağmursuz keçəcək. Qərb küləyi əsəcək. Havanın temperaturunun gecə 5-10° isti, gündüz 17-22° isti, dağlarda gecə 2° şaxtadan 3°-dək isti, gündüz 6-11° isti olacağı gözlənilir.
Qeyri-sabit hava şəraiti aprelin 12-si gündüzədək davam edəcək.
AzVision.az