Baş cərrah Zaqatalada ağır qəzaya düşdü - VİDEO

Baş cərrah Zaqatalada ağır qəzaya düşdü - VİDEO
  03 Sentyabr 2017    Oxunub:1584
Zaqatala-Qax yolunda ağır yol qəza hadisəsi baş verib.
Zaqatala sakini, 35 yaşlı İlqar Rəhimov idarə etdiyi “Mitsubishi” markalı 62 BF 942 dövlət nömrəli minik avtomobili ilə Qax rayonu istiqamətində hərəkətdə olarkən idarəetməni itirib.

Nəticədə, avtomobil yolun kənarındakı ağaca çırpılıb. Sürücü İlqar Rəhimov, onun həyat yoldaşı Zəhra Rəhimova və ailənin azyaşlı övladı 5 yaşlı Orxan Rəhimov aldıqları müxtəlif dərəcəli bədən xəsarətləri ilə Zaqatala Dioqnostika Mərkəzinə çatdırılıblar.

Zaqatala Dioqnostika Mərkəzindən verilən məlumata görə, yaralılardan İlqar Rəhimovun və Zəhra Rəhimovanın müalicəsi cərrahiyə şöbəsində aparılır, vəziyyətləri orta-ağır qiymətləndirilir. Orxan Rəhimov isə müayinə edildikdən sonra evə buraxılıb.

Qeyd edək ki, qəzaya düşən İlqar Rəhimov Zaqatala Dioqnostika Mərkəzinin cərrahiyə şöbəsinin müdiridir. Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır. (ARB TV)



AzVision.az


Teqlər: Zaqatala   Qəza  





Xəbər lenti