Bakıda “26 Bakı komissarı” küçəsinin adı dəyişdirildi - FOTO

  25 Sentyabr 2017    Oxunub : 2179
Bakıda “26 Bakı komissarı” küçəsinin adı dəyişdirildi - FOTO

Bakının Sabunçu rayonundakı “26 Bakı komissarı” küçəsinin adı dəyişdirilib.

AzVision.az “Report”-a istinadən xəbər verir ki, həmin küçə “2 aprel” adlandırılıb.

Məsələ ilə bağlı Sabunçu Rayon İcra Hakimiyyətindən (RİH) bildirilib ki, küçənin adının dəyişdirilməsi ilə bağlı sualı Bakı Şəhər İcra Hakimiyyəti (BŞİH) cavablandıra bilər. BŞİH-in mətbuat xidmətinin rəhbəri Nailə Məmmədova isə məsələdən xəbərsiz olduğunu, Sabunçu Rayon İcra Hakimiyyətinə müraciət etməyi məsləhət görüb.

Qeyd edək ki, Azərbaycanın 26 ildir müstəqil olmasına baxmayaraq, həmin küçənin “26 Bakı komissarı”nın adına olması mətbuatda və sosial şəbəkələrdə etirazlara səbəb olmuşdu. Buna görə Bakı Şəhər İcra Hakimiyyəti tənqid olunurdu.



AzVision.az

Teqlər: Bakı   Sabunu