SABAH qrupunun 115 məzunu xaricdə oxuyur

  24 Oktyabr 2017    Oxunub : 523
SABAH qrupunun 115 məzunu xaricdə oxuyur

“Elmi kadrların yetişdirilməsi işində xaricdə təhsil də böyük rol oynayır”.

AzVision.az xəbər verir ki, bunu təhsil naziri Mikayıl Cabbarov deyib. Onun szölərinə görə, “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində ümumilikdə 3558 təqaüd ayrılıb:

“Təqaüdlərin 63%-i məhz magistratura və doktorantura səviyyələrində təhsil alan gənclərimizə verilib. Onlardan 1534 nəfəri magistraturada, 547 nəfər rezidenturada, 169 nəfər doktoranturada təhsil almaq hüququ qazanıb. Bu o deməkdir ki, həmin gənclər yaxın gələcəkdə ölkəmizdə elmin və təhsilin inkişafına mühüm töhvlər verəcəklər”.

Mikayıl Cabbarov qeyd edib ki, nazirliyin təşəbbüsü ilə yaradılan SABAH qruplarının 2017-ci ildə ilk buraxılışı olmub: “Bakalavr səviyyəsini bitirən 720 nəfər SABAH məzunlarının 50 faizindən çoxu ölkəmizin, o cümlədən 115 məzun dünyanın aparıcı universitetlərinin magistraturasına qəbul olublar. Əminik ki, SABAH məzunları Azərbaycan elminin gəncləşməsinə öz töhvələrini verəcəklər”.

Aytən Zəhra
AzVision.az


Teqlər: Mikayıl-Cabbarov   SABAH