Evdən oğurluq edən şəxslər tutulub

  31 Oktyabr 2017    Oxunub : 297
Evdən oğurluq edən şəxslər tutulub

Göygöl Rayon Polis Şöbəsinin əməkdaşlarının keçirdikləri tədbirlərlə mənzildən oğurluq edən şəxslər tutulub.

Daxili İşlər Nazirliyinin (DİN) mətbuat xidmətinin Gəncə regional qrupundan AzVision.az-a verilən məlumata görə, rayonun Üçtəpə kənd sakini olan bir nəfər qadın RPŞ-yə müraciət edərək ona məxsus evdən üçüncü dəfə oğurluq olunduğunu bildirib.

Əməliyyat-axtarış tədbirlərinə başlayan polis əməkdaşları tərəfindən şübhəlilər müəyyən edilib və onlar saxlanılaraq Polis Şöbəsinə gətiriliblər.

RPŞ-də aparılan arqaşdırmalar zamanı Üçtəpə kənd sakini Səxavət Zeynalov və Elvin Hüseynov etiraf ediblər ki, evdən ümumilikdə 1822 manat pul oğurlayıbar. Saxlanılan şəxslər pulu bölüşərək xərclədiklərini bildiriblər.

AzVision.az

Teqlər: DİN   Oğurluq