Bakıda qaçırılan maşın Siyəzəndə tapıldı

  09 Noyabr 2017    Oxunub : 607
Bakıda qaçırılan maşın Siyəzəndə tapıldı

Bakıdan qaçırılan avtomobil Siyəzəndə tapılıb.

Daxili İşlər Nazirliyinin mətbuat xidmətindən AzVision.az-a verilən xəbərə görə, Bakı şəhər sakini İsmayıl İmamverdiyev DİN-in “102 Xidməti Zəng Mərkəzi”nə zəng edərək paytaxtın Nizami rayonu ərazisindən “VAZ-2107” markalı avtomobilinin qaçırılması barədə məlumat verib.

Hadisə ilə əlaqədar əməliyyat-axtarış tədbirlərinə başlayan Nizami Rayon Polis İdarəsinin 23-cü Polis Bölməsinin əməkdaşları qaçırılan avtomobilin Siyəzən rayonunda tapılması barədə məlumat əldə ediblər.

Siyəzən RPŞ-nin əməkdaşları ilə birlikdə keçirilən tədbirlərlə şübhəli şəxslər müəyyən edilərək saxlanılıblar.

Araşdırmalarla rayon sakinləri Teymur Əliyev və əvvəllər məhkum olunmuş Rövşən Həmidovun oğurladıqları həmin avtomobili birincinin evinin həyətində ayrı-ayrı hissələrə böldükləri, bəzi hissələrini isə satdıqları müəyyənləşib.

Polis əməkdaşları tərəfindən qeyd edilən avtomobilin dam hissəsi T.Əliyevin həyətində aşkar edilərək, digər hissələr isə doğranmış vəziyyətdə rayon ərazisindəki gölün ətrafında tapılaraq maddi sübut kimi götürülüb.

Faktla əlaqədar cinayət işi başlanılıb.

AzVision.az

Teqlər: DİN