Restoranda müğənnini bıçaqladılar

  10 Noyabr 2017    Oxunub : 611
Restoranda müğənnini bıçaqladılar

Şadlıq evində müğənni bıçaqlanıb. Hadisə gecə saatlarında Binəqədi rayonunun Xocasən qəsəbəsində olub.

AzVision.az-ın xezerxeber.az-a istinadən verdiyi xəbərə görə, 25 yaşlı Cəfərov Vüsal Vüqar oğlu ''Murad'' şadlıq evində müğənnilik fəaliyyəti ilə məşğul olan zaman bıçaqlanıb.

Hadisə onunla tanışları arasında düşən mübahisə zəminində qeydə alınıb. Yaralı 1 saylı kliniki tibbi mərkəzə yerləşdirilib.

Müğənni ilkin dindirilmə zamanı yolu keçərkən maşın vurması nəticəsində xəsarət aldığını bildirsə də, araşdırma zamanı məlum olub ki, o, tanışları tərəfindən bud nahiyəsindən bıçaqlanıb.

Faktla bağlı Binəqədi rayon polis idarəsində araşdırma aparılır.

AzVision.az

Teqlər: Bıçaqlanma