Bakıda yol qəzalarının 10 aylıq statistikası: 166 ölü, 461 yaralı

  16 Noyabr 2017    Oxunub : 1688
Bakıda yol qəzalarının 10 aylıq statistikası: 166 ölü, 461 yaralı

Bu il yanvarın 1-dən noyabrın 10-dək Bakı şəhəri üzrə 527 yol-nəqliyyat hadisəsi qeydə alınıb.

AzVision.az xəbər verir ki, bu barədə Bakı şəhər Dövlət Yol Polisi İdarəsinin bölmə rəisi Vaqif Əsədov bildirib. DYP rəsmisinin sözlərinə görə, hadisələr nəticəsində 166 nəfər ölüb, 461 nəfər xəsarət alıb.

"Ötən ilin müvafiq dövrü ilə müqayisədə 61 hadisə, 4 ölüm, 145 xəsarət faktı azalıb, eyni zamanda, xəsarət dərəcələri yüngülləşib. Hadisələrin baş verməsində ümumi faiz nisbəti üzrə ötmə və manevr qaydalarının pozulması 23 faiz, sürət həddinin aşılması 37 faiz, piyadaların avtomobillərlə vurulması ümumi hadisələrdə 67 faiz təşkil edib" - V.Əsədov vurğulayıb.

Anar Kəlbiyev
AzVision.az

Teqlər: Qəza   Ölüm   DYP