“Rasim Balayev dərman almağa pul tapmır...” - Zeynəb Xanlarova kömək istədi

  17 Noyabr 2017    Oxunub : 30803
“Rasim Balayev dərman almağa pul tapmır...” - Zeynəb Xanlarova kömək istədi

Azərbaycanın xalq artisti, millət vəkili Zeynəb Xanlarova Milli Məclisin bu gün keçirilən iclasında tanınmış aktyor Rasim Balayevlə bağlı məsələ qaldırıb.

AzVision.az xəbər verir ki, Z.Xanlarova aktyora maddi köməklik edilməsini xahiş edib.

“Mədəniyyətimizə töhfə verən Rasim Balayev haqqında danışnmaq istəyirəm. O, elə sənətkardır ki, Babəki, Nəsimini filmlərdə canlandırıb. O, dərman almağa pul tapmır. Üzümü Səhiyyə Nazirliyinə, Mədəniyyət Nazirliyinə tuturam, ona niyə kömək edilmir?

Xahiş edirəm, ona kömək etsinlər. Onun aldığı pulun miqdarı nə qədərdir ki?! Dərmanların hamısını almağa pulu çatmır".

Spiker Oqtay Əsədov isə deyib ki, bu məsələ diqqətdə saxlanılacaq.

Elvin Abdulqədirov
AzVision.az

Teqlər: Milli-Məclis   Rasim-Balayev   Zeynəb-Xanlarova