Xızıda 98 ədəd partlamamış sursat aşkarlanıb

  30 Noyabr 2017    Oxunub : 286
Xızıda 98 ədəd partlamamış sursat aşkarlanıb

Xızı rayonu ərazisində yerləşən Müdafiə Nazirliyin N saylı hərbi hissəsinin sursat anbarında baş vermiş partlayışla əlaqədar Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA), Fövqəladə Hallar Nazirliyinin və Daxili İşlər Nazirliyinin birgə keçirdiyi təmizləmə əməliyyatları barədə məlumat yayılıb.

ANAMA-dan AzVision.az-a verilən məlumata görə, noyabrın 29-da yerli sakin tərəfindən daxil zəngə əsasən Giləzi qəsəbəsi ərazisində 1 otlaq sahəsinə, həmçinin partlayış baş vermiş hərbi hissənin ətrafına baxış keçirilib, 98 ədəd partlamamış hərbi sursat (PHS), 250 ədəd partlamış-yanmış mərmi qalıqları və 988 kq yandırma məhsulu aşkar edilərək götürülüb, nəticə etibarilə 289 450 kv.m (28.95 ha) ərazi yoxlanılıb.



Ümumilikdə, 84 gün 20 604 ədəd partlamamış hərbi sursat (PHS), 10 232 ədəd partlamış-yanmış sursat qalıqları və 73 073 kq yandırma məhsulu aşkar edilərək götürülüb, nəticə etibarilə 71 934 512 kv.m (7 193 ha) ərazi yoxlanılıb.

AzVision.az

Teqlər: ANAMA   Mərmi   Sursat   Xızı