Zirə-Türkan yolunun tikintisi başa çatır

  01 Dekabr 2017    Oxunub : 604
Zirə-Türkan yolunun tikintisi başa çatır

Zirə-Türkan avtomobil yolunun tikintisi “Azəravtoyol” ASC tərəfindən yüksək keyfiyyətlə aparılaraq yekunlaşdırılır.

ASC-nin mətbuat xidmətindən AzVision.az-a verilən məlumata görə, hazırda yolboyu son tamamlanma işləri aparılır, yeni asfalt-beton örtüyünün üst qatının döşənməsi işləri görülür. Ümumilikdə, isə yolun 65 min kvadratmetr sahəsinə 2 qat olmaqla 12 santimetr qalınlığında yeni asfalt-beton örtüyü döşənir.

İki qəsəbəni birləşdirmək baxımından xüsusi əhəmiyyətə malik yeni yol bağlantısının uzunluğu 7.1 kilometrdir. Yolun 2 kilometrlik hissəsi Türkan qəsəbəsinin daxili yoludur, 5.1 kilometrlik hissə isə tam olaraq yeni tras üzərində layihələndirilib.

Məlumata əsasən, yenidən qurulan Zirə-Türkan avtomobil yolunun hərəkət hissəsinin eni 7 metr, hər bir istiqamət üzrə 1.5 metr çiyin hissələr də daxil olmaqla yol yatağının eni 10 metr təşkil edir. Yaşayış məntəqələrindən keçən hissələrdə isə vətəndaşların rahat və təhlükəsiz hərəkəti üçün 1.5 metr enində yeni piyada səkiləri inşa olunub, 12.5 kilometr uzunluğunda müxtəlif ölçülü yeni səki daşları düzülüb.

AzVision.az

Teqlər: Azəravtoyol