Daxili İşlər Nazirliyinin mətbuat xidmətinin Şirvan regional qrupundan AzVision.az-a verilən məlumata görə, noyabrın 27-də nazirliyin “102 Zəng Mərkəzi” Xidmətindən İmişli Rayon Polis Şöbəsinə (RPŞ) rayon sakini Qorxmaz Şirinova məxsus mənzildən 4 min manat dəyərində qızıl-zinət əşyalarının və 1500 ABŞ dollarının oğurlanması barədə məlumat daxil olub.
Polis əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən rayon sakini Cahid Quliyev və həmyerlisi Bəhruz Musayev saxlanılıblar.
RPŞ-də aparılan araşdırmalar zamanı hər iki şəxs törətdikləri əməli etiraf ediblər. Ətraflarında aparılan tədbirlərlə onların oğurladıqları qızıl-zinət əşyalarının müəyyən qismini Bakıda satdıqları məlum olub. Özlərində saxladıqları qızıl-zinət əşyaları isə maddi sübut kimi götürülüb. Faktla bağlı İmişli RPŞ-nin İstintaq bölməsində araşdırma aparılır.
AzVision.az
İmişlidə qızıl oğruları tutuldu
02 Dekabr 2017
Oxunub:2305
İmişli rayonunda mənzildən qızıl-zinət əşyaları və pul oğurlayan şəxslər tutulub.
Teqlər: DİN
Vaxtında, Aydın, Lazımlı!
-1708596417.jpg&h=200&w=200&zc=2&q=70)
