3 rayonda yanğın baş verib

  19 İyun 2018    Oxunub : 455
3 rayonda yanğın baş verib
Füzuli, Sabirabad və Biləsuvarda yanğın qeydə alınıb.
AzVision.az FHN-ə istinadən xəbər verir ki, Füzuli rayonunun Böyük Bəhmənli kəndində həyətyanı sahəyə yığılmış 8 ton ot bağlamasının 2 tonu yanıb. Ot bağlamasının qalan hissəsi yanğından mühafizə olunub. Yanğın yanğın bölmələri tərəfindən söndürülüb.

Sabirabad rayonunun Nərimankənd kəndində ümumi sahəsi 110 m² olan talvarın yanar konstruksiyaları 65 m² sahədə, talvarın altına yığılmış 10 ton ot bağlamasının 4 tonu, sahəsi 150 m² olan tövlənin qamışdan ibarət tavanı 5 m² sahədə və sahəsi 300 m² olan tövlənin qamışdan ibarət tavanı 15 m² sahədə yanıb. Talvarın, ot bağlamasının və tövlələrin qalan hissəsi yanğından mühafizə olunub. Yanğın yanğın bölmələri tərəfindən söndürülüb.

Biləsuvar rayonunun Yuxarı Ağalı kəndində həyətyanı sahəyə yığılmış 12 ton ot bağlamasının 6 tonu yanıb. Ot bağlamasının qalan hissəsi və yaxınlıqdakı tövlə yanğından mühafizə olunub. Yanğın yanğın bölmələri tərəfindən söndürülüb.

AzVision.az

Teqlər: FHN   Yanğın